معكم وبكم بتجدد اللقاء لليوم الرابع شط بكرا، المكان مجمع " بيج فاشن" بالناصرة، والزمان كل يوم الصبح حتى ساعات المساء، شو عم بتستنو... تعالوا للمرح والفرح والترفيه ع الشط.
وتتواصل الفعاليات الترفيه والمتعة للأطفال والعائلات، الشط صار بالبلد وبتنتظركم ايام من المتعة التي لا تضاهى...
إذا ما عندكم وقت تسافروا للبحر، "بكرا" و"بيج فاشن" عملولكم شط بحر في الناصرة! ألف متر مربع (يعني دونم) مفروشة بالرمال، برك ماء، مظلات، كراسي بحر، ومنقذين... وكمان بياع بوظة، وإذا جاي عبالكو تلعبوا كرة المضرب (ماتكا) كل الشط عحسابكو.... كأنك على البحر تماما، في حيفا، أو عكا أو طبريا أو حتى الإسكندرية.
سيكون هذا الشاطئ موجودا في موقف السيارات العلوي (المفتوح) التابع لمجمع "بيج فاشن"، حتى أوائل شهر8، وتتولى مهمة تنظيم الفعاليات فيه شركة إنتاج مختصة وذات خبرة بنشاطات الترفيه وأوقات الفراغ.
"شط بكرا"، مفتوح منذ ساعات الصباح وحتى ساعات المساء بمشاركة: الأهالي والأطفال (تحت جيل 13)... وبعد هيك المسيرة بتستمر بفعاليات للشباب والصبايا، وبرافقكم بالحدث موقع بكرا ومراسلوه... معا لنتواصل ع شط بكرا.
[email protected]
أضف تعليق
التعليقات
كتير حلو بس الحراس سقعين
كتير حلو
عنجد اشي حلو كتير الي بدو يبسط ولادو يجي على شط بكرا
بتمنى اكون معكوا لانه المكان حلوا كثير
wlkom kdesh eldf3 5le elwa7d y7dr 7alo jawbona mn shaaaaan allah elle ra7o y7kolna
a7la w7de sara ... yma ma a6ibha
waw she bgnn wbya7'ood al 32l kteer anbstoo al awlaad:)7'lekoo daymn 3amleen heek aw zorona kool sna mraaa.....yslmo kteer ya a7laa bokraa:P
Akteeeer 7elo
الاطفال كتير مبسوطين
الاطفال كتير مبسوطين
الاطفال كتير مبسوطين
الى رقم 4 فوتي على الموقع بكره وسجلي اسامي لولاد بتروحي على الشط بتوخدي كروتي من هناك بدون دفع
قديشششششششش الدفع
بس قديش الدفع بدنا نعرف
والله انا كنت حابة اجيب الاولاد بس الصراحه المبلغ على كل ولد كتير غالي
حلوي كتير للولاد بيلعبو وبينبسطو ؟بس بدك طولة روح للاهل لانو قيامه وقايمه ؟سلامت فهمكو فش حمامات الهدايا الي قدموها حلوي ومنعشه متل الكولا والمناشف