الجَو جَولاني

What's up?

يوم السبت اللي مرق كنت بحفلة اخت اخت شيلين كانت بحيفا ببار اسمه "الأوسط". سمعنا بيرة وشربنا موسيقى, sorry سمعنا موسيقى وشربنا بيرة وكان كتير صبابا

الفرقة كانت كتير جامدة واسمها mad fever, مش هيك مجرد جامدة.. اشي جامد جامد..

بالأول توقعت تكون كمان حفلة لكمان فرقة محلية ومجرد كمان سهرة.. بس لأ.. mad fever ليلة السبت اعطونا هدية حفلة جامدة جداً مع موسيقى بتعملك منيح, covers بتذكرك انه الستينات كمان فيها غناني جامدة و show اللي بيجي عبالك تشوفه كمان مرة. تلت صبايا وتلت شباب قدمولنا اشي عنجد حلو. Show بدكو احلى من هيك؟ هاد اول عرض لـ mad fever برّيت الجولان وبالطريق يكون في عروض تانية بالناصرة وعكا وكمان...

اللي عمل ونظم هدا العرض مجموعة crazy karaze اللي مؤسسها ابن الجولان عناد صفدي واللي عم بجيب فن الجولان متل mad fever وتوت ارض لهون عحيفا والناصرة وعكا وبدو كمان يوخد فرق وفنانين من هون للعرض بالجولان.. من بين الناس اللي واقفين ورا مجموعة crazy karaze كمان ال talent ولاء سبيت وال guitar boy الفنان جوان صفدي
جبنالكو كومة صور من العرض
تصوير: نهاد عويدات

C u soon ;)

عيسى خليفة