إلى حفيدي الأول في عيده الأول

يا ابن ابني يا غالي عليي
مثل أمي الحنونه ومثل بيي
مكانك قلبي يا ساكن عينيي
يا أغلى جوهره وأحلى هديه
موسيقى ضحكتك تطرب دينيي
ووجودك زهر فتح حاوليي
تأوصف وجودك شو عمل فيي
ما بتكفي حروف الأبجدية
لأنك شمس أنوارك بهية
لأنك قمر بضوي لياليي
لأنك كلمه ع قلبي هنيه
وصوتك من الروح السرمدية
قطر الندى ع وردة نديه
عطرا فاح وألونا زهيه
يا ريت تدوم أيامي وسنيي
تشوفك شب بالطلعه البهيه
شو متمني أشوفك يا عنيي
عريس مزين بأحلى صبيه.