نشر موقع "اليوم السابع" المصري نص تحقيقات النيابة العامة فى قضية تبادل الزوجات بمدينة نصر، المتهم فيها "خالد .ا" محام وزوجته "نشوى . م"ربة منزل بإدارة مسكنهما لتبادل الزوجات، بأن تسلم الزوجة جسدها لزوج آخر تمارس الجنس مع زوجها، إضافة الى ترويجها لجريمتيهما عبر مواقع إباحية تدعو ضعاف النفوس إلى ممارسة الزنا بتبادل الزوجات.

وفى بداية التحقيقات سأل أيمن المنشاوى، وكيل أول نيابة مدينة نصر، بإشراف رئيسها أحمد شورب المتهمة "نشوى . م" ما اسمك وسنك وعنوانك؟

فأجابت: "نشوى.م" ربة منزل مقيمة فى منطقة زهراء مدينة نصر.

س:ما تفصيلات اعترافاتك؟

ج:اللى حصل إنى كنت متجوزة من "خالد.ا" من حوالى 17 سنة وعام 2005 حصل طلاق وبعد خمس سنوات رجعت له تانى، ومن حوالى 6 شهور قاللى إنى أنا مش مرياحاه جنسيا وهو هيبقى معايا أحسن إذا مارسنا الجنس مع اتنين متجوزين، أنا أمارس الجنس مع الزوج وهو يمارس الجنس مع الزوجة، وبالفعل جابلى اتنين متزوجين وخلانى اتكلم مع الزوج وهو بيتكلم مع مراته فى التليفون، وخرجنا مرتين ودار حديث معهما على تبادل ممارسة الجنس، أنا مع الراجل و"خالد" مع الست، لكن خالد رفض نكمل معاهم عشان الولد ده كان بيتكلم فى دور إنه بيحبنى.

وفى شهر يناير قاللى إنه فى اثنين تانيين الست اسمها جينا والراجل اسمه زكريا واتفقنا مع بعض على تبادل الزوجات وممارسة الجنس، واتكلمنا مع بعض أنا مع زكريا اللى قال إنه اسمه "حازم" وهو مع جينا، واتكرر اللقاء مرة تانية فى البيت وفى وسط البلد، وأخدت تلفيون "حازم"، و"جينا" خدتت تلفون "خالد"، وكنا بنتكلم مع بعض كل واحد مع التانى فى نفس الموضوع "تبادل الزوجات"، واتفقنا على ميعاد نتقابل فيه فى البيت لممارسة الجنس مع بعض وفى يوم 28 يناير "جينا وحازم" دخلوا البيت وأنا لابسة قميص أزرق، ودخلت الغرفة مع حازم وخالد، جوزى دخل مع "جينا"، ولقيت حازم بيحن ويبوس وقلعنى هدومى كنت عارية تماما ولقيت البوليس دخل ومسكنى أنا وجوزى وخدونا على مجمع التحرير.

س:هل أنت متزوجة من "خالد. ا"؟

ج:متجوزاه بس عرفى.

س:منذ متى؟

ج: كنت متجوزاه من سنة 1998 حتى 2005 وبعد كدة أطلقنا وعلشان الولاد رجعنا عرفى فى 2010.

س:هل معك ما يثبت ذلك الزواج؟

ج: معايا ورقة جواز عرفى فى البيت.

س:هل عرض عليكى زوجك ممارسة الجنس مع رجل آخر مارس هو الجنس مع زوجته؟

ج:هو عرض عليا نشوف متزوجين أنا أمارس الجنس مع الزوج وهو مع الزوجة.

س:ومتى قام بعرض ذلك عليكى تحديدا؟

ج:من 6 شهور.

س:وهل قبلت ذلك؟

ج:أنا بخاف منه وأحافظ على البيت.

س:وهل تحدثتم مع زوجين اخرين للمارسة الجنس معهما؟

ج:أيوة س:وكيف قمتم بالوصول إليهما؟

ج:هو اللى جابوهم

س:وكم مرة تكررت اتفاقكم على تبادل الجنس معهم؟

ج:مرة قبل كدة.

س:ومن هم تلك الأشخاص تحديدا؟

ج:معرفشى هم أشخاص بأسماء وهمية.

س:وما هو طبيعة الاتفاق بينكم؟

ج:هو مع الزوجة وأنا مع جوزها.

س:هل قمتم باستكمال الاتفاق؟

ج:لا.

س:وما الذى حال دون ذلك؟

ج:لأنى خالد جوزى مرضيش يكمل علشان الزوج كان بيقولى إنه بيحبنى ودخل فى قصة حب معايا، والبت ماكانتش عاجبة جوزى.

س:ومتى كان ذلك الاتفاق والتعارف بينكم وبين الزوجين؟

ج:من حوالى 6 شهور.

وهل تم الاتفاق بينكما وبينهما على ممارسة الجنس؟

ج:أيوة بس متمش.

س:وهل وافقتى على ذلك الاتفاق؟

ج:أيوة.

س:وكيف تم التعارف بينكم وبين المدعو زكريا؟

ج:هو قال إنهم موكلين عنده وهو عرف إنهم عاوزين نمارس الجنس أنا مع الزوج وجوزى مع مراته.

س:وهل وافقتى على هذا العرض؟

ج:أيوة

س:وهل كان هناك إكراه من زوجك على ممارستك الجنس مع زكريا؟

ج:هو مكنش فيه إكراه بس هو كان بيقولى إننا هنبقى أحسن لو حصل كدة.

س:وهل حدث الاتفاق بينكم على تبادل الزوجات؟

ج:أنا اتكلمت مع زكريا فى التليفون وجوزى أخد رقم "جينا".

س:هل حدث مكالمات ومحادثات هاتفيا على الواتس أب؟

ج:أيوة.

س:وما طبيعة تلك المكالمات؟

ج:هى كلام عادى وكلام عن الجنس وتبادل الزوجات.

س:هل كان حوارتكم هاتفيا أو على برنامج الواتس أب عن ممارسة الجنس وتبادل الأزواج فيما بينكم؟

ج:أيوه حصل

س:وكم عدد اللقاءات بينكم تحديدا؟

ج:ثلاث أو أربعة مرات.

س:وما طبيعة اللقاء الأول ومتى تمت؟

ج:اللقاء الأول كان من حوالى أسبوعين فى "كوفى شوب" وتم الاتفاق على التبادل، وأنا اتكلمت مع زكريا وجوزى كان بيتكلم مع"جينا".

س:وما طبيعة الحديث الذى دار بينك وبين زكريا؟

ج:كلام عادى. س:وما طبيعة اللقاء الثانى؟

ج:كان فى "كوفى شوب" فى وسط البلد وكان الكلام ما بينا عادى.

س:ومتى قمتم بالاتفاق تحديدا؟

ج:هو جوزى اتفق مع زكريا على ممارسة الجنس بالتبادل عندنا فى البيت.

س:وهل أبلغك زوجك بذلك الاتفاق؟

ج:أنا كنت قاعدة جنبهم وسمعت الكلام.

س:وهل حدث محادثات هاتفيا بينك وبين زكريا؟

ج:أيوة.

س:وما طبيعة تلك الأحاديث؟

كلام عن إنه عايز يعرفنى بنفسه وكلام عن ممارسة الجنس.

س:وما طبيعة ذلك اللقاء؟

ج:هو خالد كان جايب زجاجات خمرا ولابس بدلة وأنا كنت لابسة ترنج، وجينا لابسة عباية سودا وخالد كان لابس سويتشرت.

س:ما الذى بدر منكم عقب دخولهم الشقة؟

ج:هو جوزى كان زعلان منهم عشان اتاخروا، وبعد كدة اتفقنا كل واحد ياخد زوجة الثانى فى غرفتين.

س:وهل دار الاتفاق بينكم على الدخول كلا منكم ممارسة الجنس مع الآخر؟

ج:أيوة.

س:ومن الذى كان يمارس الجنس معك والذى كان يمارس الجنس مع جينا؟

ج:زكريا معايا وجوزى مع جينا.

س:وما الملابس التى كنتى ترتديها؟

ج:أنا كنت لابسة ترنج وأول ما دخلوا غيرت ولبست قميص أزرق.

س:هل قمت بالدخول للغرفة لممارسة الجنس مع زكريا؟

أيوة دخلت.

س:وما الذى حدث تحديدا؟

ج:أنا قلعت قميص النوم وهو قلع القميص وملحقناش ننام مع بعض.

س:وما الذى كنت ترتدينه عقب خلعك القميص؟

ج:الأندر وجسمى عاريا من فوق.

س:هل حدث علاقة جنسية بينك وبين المدعو زكريا؟

ج:لا. س:وما الذى منعك من ذلك؟

ج:هو أنا مكنتش ناوية أعمل علاقة جنسية كاملة علشان مخدش حبوب منع الحمل.

س:وما هى المدة التى استغرقت؟

ج:حوالى 3 دقائق.

س:وما الذى حدث بعد ذلك؟

البوليس جه ومسكنا.

س:أنتى متهمة والمدعو خالد بالتحريض والتسهيل لارتكاب الفجور والدعارة؟

ج:أنا غلطانة.

س:أنتى متهمة وزوجك بإدارة مسكن لممارسة الدعارة؟

أنا غلطانة.

س:أنتى متهمة بالاعتياد وممارسة الدعارة مع الرجال دون تمييز؟

ج:أنا غلطانة. س:هل لديكى أقوال أخرى؟

ج:لا.

"ملوحظة النيابة": واجهنا المتهمة بالتسجيلات التى سجلت اللقاءات والتى تمت بمعرفة مباحث الآداب بعدما تم استئذان السيد المستشار محمد البغدادى رئيس محكمة مدينة نصر.

استعمال المضامين بموجب بند 27 أ لقانون الحقوق الأدبية لسنة 2007، يرجى ارسال رسالة الى:
[email protected]