لحظات مؤثرة.. تامر حسني يحقق أمنية معجبة فقدت ذاكرتها وتمنت رؤيته

استجاب الفنان تامر حسنى، لمعجبة تدعى بيرهان عادل، تمنت مقابلته، وتم إعداد اللقاء بينهما عن طريق المقربين منها من دون أن تعلم، إذ كانت قد تعرضت لحادث أليم نتج عنه وفاة والدتها، وتسبب فى فقدانها الذاكرة لفترة وشلل تام، وفق ما أفاد موقع "نواعم".


وبحسب قولها أكدت أنها كانت في المستشفى وتمنت أن ترى تامر حسني، وتردد أغانيه دائما ليكون داعما لها وخاصة أغنية "أقوى من الأيام".

ونشر حسني مقطع فيديو عبر "انستغرام" يرصد لحظة المفاجأة، وعلّق قائلاً: "يا بيرهان أنا اللي فخور بيكي وفرحان بيكي أكتر من أي حاجة وكلامك شرف كبير ليا وفرحة كبيرة لقلبي إني أكون داعم بعد ربنا لشفائك ودي حاجة كبيرة جدا بالنسبالي أنا فرحان إني شوفتك وسمعت قصتك أكتر ما انتي فرحانة بمقابلتي وبكتييييير كمان والله".

وتابع: "يا رب أشوفك بكامل الشفاء قريب جدا وبدعوات كل اللي شافوا قصتك رغم صعوبتها وصعوبة الحادث الأليم اللي اتعرضتي له ونتج عنه وفاة والدتك الله يرحمها وفقدان ذاكرة لفترة وشلل مفقود الأمل في شفائه، وكل الصعوبات اللي مريتي بيها في رحلة علاجك، بشكرك لإرادتك العظيمة للعودة مرة تانية لحياتك الطبيعية، إنتي درس كبير يتعلم منه كل إنسان فاقد الأمل في شيء بشكر قرايبك وإخواتك اللي رتبولك المقابلة دي عشان، فعلاً هم نِعمَ السند والضهر ربنا يحفظك ويشفيكي ويشفي كل مريض".

ووجهت بيريهان رسالة شكر لحسني بعد لقائهما، قائلة: "بشكر كل اللى ساعد وفريق عمل تامر المحترمين كلهم على أحسن استقبال، وبشكر تامر حسني إنه طلع زي ما تخيلته، ويستاهل حب الناس كلها ربنا يباركلك في ولادك وتشوفهم أحسن الناس ومش هنسى وعدك لأني مصدقاك، إننا هنتقابل تاني و إن شاءالله أكون بقيت أحسن وشكراً تاني على كل حاجة".
المصدر: نواعم