الشريط الأخباري

نجوم مصر يهاجمون ميريام فارس بعنف: "إنتِ مين يا أستاذه"

موقع بُـكرا، وكالات
نشر بـ 25/06/2019 07:30 , التعديل الأخير 25/06/2019 07:30
نجوم مصر يهاجمون ميريام فارس بعنف:

تعرضت الفنانة اللبنانية ميريام فارس لهجوم واسع من قبل فنانين ونجوم مصريين، بعد تصريحاتها في موازين حيث قالت: "صرت شوي تقيلة على مصر".

وكتب منظم الحفلات، وليد منصور، على ميريام فارس، عبر حسابه الشخصي على موقع التواصل الاجتماعي "فيسبوك": "بالنسبة للفنانه التقيله علي مصر كام كيلو يعني بالظبط علشان أقدر أحسب تقيله بجد ولا ايه".

وتابع: "والله العظيم عيب أنتِ كنت بتاخدي 20 ألف دولار لما كنا بنشغلك.. والدولار كان 7 جنيه.. يعني بتاخدي ما يوازي 140 ألف جنيه.. يعني يا دوب ثمن إيجار السماعات في حفلة من اللي بعملهم لعمرو دياب أو تامر حسني أو حماقي أو شيرين، يا تقيلة أنتي".

وغرد الفنان أحمد الشامي: "أعتقد يا ميريام إن مش بيجيلك شغل في مصر أصلا وليس العكس".

وقالت الممثلة المصرية راندا البحيري: "هي مشافتش حفله مصر امبارح؟؟؟؟ وحفلاتنا من بعد الثوره إللي اتكلمت عنها لحد النهارده. سلطان الطرب چورچ وسوف غني في مصر. ياني العالمي في مصر اكتر من مره واخرهم كمان أيام. عمر خيرت. الهضبه العالمي عمرو دياب نحم الجيل تامر حسني. الجميله كارول سماحه. النجم اللي بجد محمد عبده في القاهره في دار الأوبرا.. إنتِ مين يا أستاذه".

وقال الشاعر المصري أمير طعيمة: "ميريام فارس، فيه نجوم عالميين كتير غنوا في مصر بعد الثورة، وأجر الموسيقار ياني في حفلتي الأهرامات تخطي المليون دولار، معظم نجوم الصف الأول في لبنان أقاموا حفلات في مصر زي إليسا ونانسي عجرم وراغب علامة وحتى العظيمة ماجدة الرومي وقائمة طويلة، و أنا وإنتي عارفين انهم بياخدوا أجر يفوقك بمراحل وأنا و انتي عارفين الأرقام والفرق الكبير بينهم و بينك".

وأضاف طعيمة: إنتي مش تقيلة علي مصر خالص، إنتي بس أرشيفك اللي مش تقيل كفاية عشان يبقي عليكي طلب في بلد زي مصر، فالأفضل تشتغلي علي نفسك و تعملي الشغل اللي يخليكي تبقي مطلوبة في مصر بدل الحجج اللي دمها تقيل دي. والله اترددت كتير قبل ما أكتب البوست ده، بس ما ينفعش برضه اعمل مش واخد بالي. بلاش مصر يا ميريام، ان مكانش من باب الأدب يبقي من باب الذكاء".

وغرد المطرب المصري، رامي جمال على موقع "تويتر": "الفنانة اللي بتقول إنها بقت تقيله علي مصر ليا عندها فلوس بقالها سنه والله ادفعيهم الأول يا تقيلة".

وانطلقت على مواقع التواصل الاجتماعي حملات لمقاطعة أغاني ميريام فارس في مصر، ودعا عدد كبير من الصحافيين إلى التوقف عن نشر أخبارها الفنية والشخصية.

أضف تعليق

التعليقات