بعد الهجوم الواسع الذي تعرض له فيلم تاج للفنان تامر حسني، وجّهت ياسمين عز رسالة دعم للأخير خلال برنامج (كلام الناس) أثنت فيه على مسيرته الفنية وإبداعه وموهبته في مجاليّ التمثيل والغناء معاً وعلى تميّزه في فيلم تاج.
بدوره، قام الفنان تامر حسني بالرّد على الإعلامية ياسمين عز، موجّهاً لها رسالة شكر عبر خاصية الستوري على حسابه الرسمي في موقع تبادل الصور والفيديوهات (إنستغرام).
وقال تامر حسني: "فيلم تم بيعه بـ نجم شباك 1 مش تجميعة نجوم، ودي حاجة تحسب للفيلم، وبعملها كل سنة الحمدلله، والفيلم تم توزيعه النهاردة عالميًا، وأكيد دي حاجات بتزعل بعض ضعاف النفوس".
وتابع: "زمن غريب والله بنلوم المجتهد اللي بيألف وبيخرج وسايبين الكسلان وضعاف النفوس، يكفيني شرفًا أني صاحب أعلى إيرادات في تاريخ السينما العربية دولياً إنتاج مصري وهو فيلم "بحبك" من إخراج تامر حسني، تفتكري دي واقعها على الودن عادي ؟".
واستكمل تامر حسني حديثه: "هي حاجة مؤلمة لغير الأسوياء، وجميلة للعقلاء اللي بيتمنوا الخير لابن بلدهم اللي حاجة زي كدة بتشجعهم إن مفيش مستحيل ولا يمكن نبقى حافظين مش فاهمين".
وأضاف: "أحب أطمنك يا ياسمين إنه لا يصح إلا الصحيح، وخلي بالك الجمهور ذكي جدًا، ويمكن بسبب الحملات الساذجة دي الجمهور زاد طلبه على الفيلم لأن الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم بدليل إيراداته الضخمة:"
وواصل تامر حسني القول: "لو جبت أهم شركات في العالم عشان يقدموا فكرة بالذكاء ده عشان أعمل دعاية لفيلمي مكانوش هيوصلوا لربع المفعول الإيجابي اللي عملوه الحملات واللجان المأجورة في إثارة فضول الناس إنها تروح تشوف الفيلم والله مفعولهم مردودة أقوى من الدعاية اللي بندفع فيها فلوس، بالمرة نشيل من على شركة الإنتاج باند الدعاية عشان مكلف أوي بصراحة، ونسيبه على المتغاظين هما يدفعوه ربنا ما يقطعلهم عادة".
واختتم حديثه: " أحب افرحك أكتر يا ياسمين فيلمي اللي جاي تصويري كمان، شكرًا لدفاعك عن الحق يا أحلى ياسمين".
آخر أعمال تامر حسني
يُشار إلى أن الفنان تامر حسني يُعرض له حاليًّا بدور العرض السينمائي فيلم "تاج" ويشاركه البطولة دينا الشربيني، وساندي، وهالة فاخر ونخبة من النجوم، والعمل من تأليف تامر حسني وإخراج سارة وفيق.
[email protected]
أضف تعليق