كانت دموع الفرح هى رد الفعل الأول للفنانه إيمى حينما علمت بفوز المشير عبد الفتاح السيسى بمنصب رئيس جمهوريه مصر العربيه إيمى استجمعت نفسها و قالت : ان شاء الله ربنا يكمل فرحتنا و نوصل الرئيس المشير عبد الفتاح السيسى لقصر الرئاسه .. ومن بعدها نبقى بجد أيدينا فى أيده ..ولا نكتفى فقط بالكلام و الهتاف بل علينا بالعمل ثم العمل ثم العمل .. و اللى زعلان و ناوى يعمل فوضى مالوش مكان بينا .. علينا ان نعمل جميعآ كل فى مجاله بذمه و ضمير و حب حقيقى للبلد " من غير فتىّ و قله ذمه و من غير همجيه " .. جه الوقت اللى كلنا نبنى مصر اللى كنا بنتمناها ..نكبر فيها و نجعلها دوله عظمى بكل معانى الكلمه .. ونعطى للغرب دروس فى الوطنيه ..لان مصر فعلآ دوله عظمى و هتبقى أد الدنيا .

وتضيف الفنانه إيمى قائله : " حمد الله على سلامتك يا بلدى كنتى تعبانه بقالك 3 سنين و الحمد لله ربنا أستجاب لدعانا و رجعك لينا .. قمره منوره .. ربنا يحفظك و يحفظ لك السيسى و يخلينا نستاهل نبقى ولادك يا حبيبتى .. اللهم على شأن مصر و أحفظها و بارك لنا فيها وما تحرمناش منها تانى أبدآ ..تحيا مصر ".

على جانب آخر تستأنف النجمه إيمى تصوير دورها فى مسلسل " العمليه ميسى " من بطوله النجم الكوميدى أحمد حلمى –يؤدى صوت القرد ميسى - و النجوم بشرى و صلاح عبد الله و عزت أبو عوف و نبيل عيسى ويجسد شخصيه القرد ميسى تمثيلآ الفنان محمد ابو السعود ومن تأليف إيهاب أمام و أخراج أحمد صالح و أحمد المناويشى حيث تجسد إيمى خلال أحداث المسلسل شخصيه عميله للمخابرات المركزيه الأمريكيه ال " سى اى اية "تنفذ مهمه خطيره فى مصر لصالح المخابرات الأمريكيه و يتضمن دورها تجسيد بعض مشاهد الأكشن
حيث تدور أحداث المسلسل في إطار كوميدي سياسي حول قرد يُدعى (ميسي)، تسعى وكالة الاستخبارات المركزية الأمريكية (سي أي إيه) لخطفه، ومن أجل ذلك ترسل أحد عناصرها لإتمام هذه المهمة.

ويُنتظر عرض المسلسل فى شهر رمضان المبارك على شاشه قنوات ال سى بى سى.

استعمال المضامين بموجب بند 27 أ لقانون الحقوق الأدبية لسنة 2007، يرجى ارسال رسالة الى:
[email protected]