نقلت الصحافية رولا حسنين عن خطيبة الشهيد أحمد عريقات الذي قتلته قوى الأمن الاسرائيلية عصر أمس أنه كان يحب الحياة ولديه مخططات عديدة، وقالت:  حتى مفتاح دارنا ضلّ معه، اتصل وحكالي جهزي حالك للعرس، بدي آجي آخذك بدري، ما بدي أتأخر.. راح أحمد وتأخر عليّ العمر كله !

وتابعت :"أحمد مدلل إمه الصغير، بحب الحياة، عاش قصة حب مع خطيبته، جهز بيته كله وبستنا بعرسه الي تأجل بسبب كورونا، لبس البدلة لعرس أخته وكان يحكي لإمه "بالله ما أنا عريس حلو" رقصلها ومزح معها، واستأجر سيارة وراح وصلها على الصالون ورجع عشان يزين السيارة ويزفّ أخته.. انزفّ هو، الناس الي كان لازم يجو عند إمه بعرس بنتها، أجو على عزا ابنها، بدل لبس الفساتين لبسوا الأسود، الكراسي الي نصبوها للعرس، الناس قعدت عليها في العزا!" ..

 

استعمال المضامين بموجب بند 27 أ لقانون الحقوق الأدبية لسنة 2007، يرجى ارسال رسالة الى:
[email protected]