نشرت الفنانة منة فضالي منشور عبر حسابها في موقع التواصل الإجتماعي (فيس بوك)، تفاصيل حالة الطفل الرضيع الذي تخلّت عنه أمه بعد ولادته في أحد مستشفيات الفيوم.
و قالت فضالي: "الولد ده اتولد من ٥ أيام أمه خلفته في مستشفى في الفيوم وقالتلهم أنا مش عاوزاه ارموه في الشارع، الممرضة صعب عليها خدتو تربيه جوزها قالها تبقي طالق مني لو الولد ده فضل في البيت راحت مرجّعاه المستشفى تاني".
وأضافت" واحدة تانية بتشتغل معايا في البيت أختها أخدتو تربيه سافرت الفيوم وأخدت الولد وودتو لدكتور طلع عنده الصفيرة بتقولي النهاردة قولتلها هاتيه أنا حتبناه لأني نفسي يبقى عندي طفل من شوية بتكلم أختها قالتلها الولد مات بعد ما ابتديت آخد إجراءات التبني مش قادرة أوصفلكم حالتي حقيقي ولا أوصف كرهي للست اللي خلّفت حتة لحمة ورمتها وراحت تشوف نفسها، جالها قلب إزاي ترمي ضناها مهما كانت ظروفها، ابنها ضناها، إزاي في أمهات بالقذارة دي بس يعلم ربنا إني كنت حخليه أحسن حد في الدنيا، مش الأم اللي بتخلف الأم اللي بتربّي".
واختتمت منة فضالي حديثها قائلة: "بكتب البوست ده لأني فعلاً موجوعة من قلبي وكنت فرحانة إني حاخد الولد بس ربّنا مش رايد، ربّنا يرحمك برحمتو وحسبي الله ونِعم الوكيل في الست دي ربّنا ينتقم منها أشد انتقام د إحنا الحيوان بيصعب علينا فما بالكم بطفل ملوش أي ذنب غير إن واحدة معندهاش قلب ولا ضمير رمتو؟!".
[email protected]
أضف تعليق