قام الفنان المصري حسن الرداد بإحياء ذكرى ميلاد والدته، التي رحلت منذ حوالي عامين، حيث نشر عبر حسابه الشخصي في تطبيق تبادل الصور (إنستغرام) صورة قديمة جمعتهما معاً خلال أدائهما مناسك العمرة، في إحدى السنوات السابقة.
و علق الرداد على الصورة قائلًا: "النهاردة عيد ميلاد أمي الغالية والحمدلله عملت لها عمرة في عيد ميلادها، أكتر سفرية كنا بنسافرها مع بعض، بس الغريب إني كنت ناوي أعملها العمرة أثناء تواجدي فى السعودية ومش عارف هروح أي يوم عشان ظروف الشغل لكن سبحان الله ربنا يسّر الأمور إن اليوم اللي أعرف أعمل العمرة فيه يبقى يوم عيد ميلادها".
وأضاف" والحاجة التانية إني خليت حد يصوّرني صورة بعد ما خلصت العمرة والصدفة برضه إني كنت بتصور في نفس المكان اللي كنا متصورين فيه مع بعض، بس الفرق إن المرة دي أنا لوحدي".
واختتم حسن الرداد كلامه قائلًا: "الله يرحمك يا أمي ويدخلك فسيح جناته إن شاء الله يا نور عيني وقلبي... أسألكم الدعاء لأمي السيدة فادية الرداد".
[email protected]
أضف تعليق