كشف مؤدي المهرجانات حمو بيكا، حقيقة تعرضه لـ"السحر"، وكيفية تعامله معه، خلال تصريحات له في برنامج العرافة من تقدي بسمة وهبة.
وقال حمو بيكا"عمر كمال هو اللي عملي السحر، عشان أقف وما أشتغلش.. الشيخ قالي حد اسمه عمر.. وقالي كلكم هتقعدوا وهو الوحيد اللي هيشتغل".
وتابع حمو بيكا: "الحمدالله فكيت السحر واشتغلت.. وغلبته بالقرآن الكريم.. وبعدها صاحبت عمر كمال خوفًا منه عشان ميعمليش حاجة تاني، ولابس الفانلة الداخلية بالمقلوب".
ومازح شيخ العرافين خلال حلقة العرافة ، حمو بيكا، قائلًا: "تعرف تروح ولا أجي أروحك.. هتطلع على فيلا التجمع ولا الإسكندرية.. مش بتروح تقعد مع حسن شاكوش في فيلا التجمع؟".
فيما قال حمو بيكا: "والله وقعت مشكلة بيني وبين زوجتي، بسبب حديثي عن حسن شاكوش، وقلت لها ممكن فعلًا حسن يكون بيروح فيلا التجمع".
بدورها قالت بسمة وهبة، "مش لاقي ليك سر أكشفه.. مش عاوزه خراب بيوت أكتر من كدا عشان إحنا في رمضان"، ليرد بيكا، :"خراب أكتر من كدا؟ شيخ العرافين مش هيورد على جنه.. مراتي قالتلي إنت بتروح لفيلا حسن شاكوش.. وقلتلها والله ما حصل انا من هنا على البيت على طول".
ويعد برنامج "العرافة"، امتدادا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.
[email protected]
أضف تعليق