كشف الفنان والملحن عمرو مصطفى التشابه بين لحن أغنية «يمكن خير» للفنان رامي صبري مع لحن أغنيته «رقصة».
وأضاف «مصطفى» خلال لقائه ببرنامج برنامج «حبر سري»، مع الإعلامية أسما إبراهيم، أنه طلب من الفرقة الموسيقية عزف بداية لحن أغنيته «رقصة»، وقال: «ده دخلة الموسيقى بتاعي في أغنية رقصة اللي نازلة من سنة، وأنا مش منفعل من شوية، أنا عمال يتسرق في كل الأغاني بتاعتي حقيقي».
وتابع: «هو قال إنه عامل الأغنية من 2009، عايزك يا رامي تطلع أي حاجة تثبت قدام الناس إن الأغنية معمولة من 2009 زي ماقولت، والأغنية نزلت من سنة ورامي باركلي عليها، وفي غيره ملحنين تانيين سرقوني كتير».
واستكمل عمرو مصطفى حديثة قائلا: «كلمني وقاللي يا عمرو معلش عشان خاطري شكلي مش حلو، وأنا كنت عامل الأغنية وأي كلام، وعديتها بمزاجي، لكن لو النهارده عايز أشيل الأغنية أقدر أبلغ يوتيوب إنه لحني ونازل قبله وأشيلها عادي».
أغنية «رقصة» لـ عمرو مصطفى من ألحانه وكلمات مصطفى ناصر، وتوزيع إيمري، فيما أصدر رامي صبري أغنية «يمكن خير» من ألحانه، وكلمات أحمد على موسى، وتوزيع طارق توكل.
[email protected]
أضف تعليق