حورية فرغلي تتحدث للمرة الأولى عن خطيبها الراحل.. ماذا قالت؟

تحدثت الفنانة المصرية حورية فرغلي للمرة الأولى عبر وسائل الإعلام عن ذكرياتها مع خطيبها الراحل الذي توفي قبل 21 عاماً على وفاته. مؤكدة أنها لم تستطع أن تمحِ حبها له أو ترتبط برجل غيره رغم أنه كان يعاني من بعض الظروف الصحية.

وقالت حورية فرغلي: "أنا شُفت الحب مرة واحدة في حياتي سنة 2002، مع خطيبي اللي توفى، ومن بعده محبتش حد تاني رغم مرور 21 سنة، خطيبي اللي مات كان 175 كيلو، وكان عنده مشكلة في رجله الشمال، فكان بيذق، وكنا قد بعض في السن".

وتابعت حورية خلال حديثها في برنامج "في العمق": رغم مرضه لكن كنت بشوفه أحلى راجل في الدنيا، والناس كلها تقول إيه الجنان ده، لكن مكنتش ببص لكلامهم بصيت لقلبه واللي جواه، كفاية أني سامعة صوته، كفاية وجوده في المكان ريحة برفانه، من ساعة ما مات وأنا مش لاقية حد غيره.

وأضافت حورية فرغلي: "قضينا سنتين سوا متخانقناش مرة، كل ما أطلع الاولى في الفروسية أروح البيت ألاقية جايب لي تورتة كبيرة عليها صورتي ولعب، بدور على حبه مش لاقية، ساعات بقول لنفسي أنا شُفت الحب ده كله ليه لما في الآخر هيتاخد مني، لكن ربنا اللي عايز كدة".

واستكملت: من بعد وفاته مرتبطش بحد ولا حد أتقدم لي، رغم مرور 21 سنة مشوفتش زيه، مش عارفة ليه، بتحب كتير بس بتصدم لما أعرف السن، وفي شاب بعت لي رسالة طويلة يعبر فيها عن حبه لي، قلت له أنت عندك كام سنة، قالي 22 سنة قُلت له انت قولي يا طنط.

وأوضحت حورية فرغلي: "أنا معنديش صحاب ومبخرجش خالص، وبحب الحيوانات جدًا، كان عندي 13 كلب دلوقتي بقى 1، وعندي 8 أحصنة، مبخرجش مع الناس لان محدش بيعزمني على حاجة، اتعودت اعيش لوحدي وبراحتي"

وختمت الفنانة المصرية القول "بتهيأ إلي لو تزوجت مش هستحمل حد ينام جمبي على السرير، كمان هيبقى في مشكلة، لأني بحب أمشي في شقتي براحتي وأجري مع الكلاب، مش شرط كل يوم ميك أب وشعر ورموش، أنا باكل ضوافري أصلا".